Somer Bolero vir ‘n dogter
Vlak: Gevorderde beginner.Hierdie patroon is ideaal vir iemand wat graag meer as een patroonsteek wil baasraak.
Hierdie bolero is vir grootte 8-10 jaar maar
kan in enige grootte gehekel word deur net steke en rye te vermeerder of te
verminder.
Wol: Pulskein
Classic 150g
Naald: 5
mm (gebruik groter naald as jy styf hekel)
Afkortings:
Ks - kettingsteek
Gs - glipsteek
Kb - kortbeen
Hlb - halwe
langbeen (kyk
gerus hoe om ‘n halwe langbeen te hekel deur na die kort video te kyk https://www.youtube.com/watch?v=9FbMBsca-BA )
Lb - langbeen
(kyk
gerus hoe om ‘n langbeen te hekel deur na die kort video te kyk langbeen https://www.youtube.com/watch?v=vmtu-QlyPXg )
Dblb - dubbelslag
langbeen
(kyk gerus hoe om hierdie steek te maak deur na die kort video te kyk https://www.youtube.com/watch?v=_tRPMC0hxgw ).
V-st - 2lb
in dieselfde steek (kyk gerus hoe om die v-steek steek te maak deur na die kort video te
kyk https://www.youtube.com/watch?v=XGmUe7QtouA )
Patroon:
Ry 1 - kortbene
Ry 2 - halwe langbene
Ry 3 - V-steek
Ry 4 - kb
Ry 5 - lb
Ry 6 - dubbelslag langbeen
Dit is BAIE BELANGRIK dat jy jou aantal steke
gereeld tel om seker te maak dat jy nie ingedagte meer of minder steke werk
nie. Die getal steke bly deurentyd dieselfde tot by die mousgat.
Die kante sal on-egalig vertoon maar sodra die
item aanmekaar gewerk word en die randte omgehekel word sal die kante gelyk
trek.
Die ks aan die einde van elke ry tel as die 1e
steek van die volgende ry.
Patroon:
Stel 152 ks op.
Ry 1: In
die 2e steek van die string, maak ‘n kb. Werk ‘n kb in elke steek van die
string. Wees versigtig dat die string nie draai nie. Maak 2 ks, draai.
Ry 2: Maak ‘n halwe lb in elke steek van
die vorige ry. Maak 3 ks, draai.
Ry 3 Die
3 ks tel as die 1e lb. Maak nog ‘n ks. Skip die volgende steek en maak 2 lb in
die volgende steek. *Skip 1 steek. Maak 2 lb in die volgende steek*. Herhaal ** tot
aan die einde, maak 1 lb in die laaste steek. Maak 1 ks, draai.
Ry 4 - Maak ‘n kb in elke steek van die
vorige ry (150 steke) Maak 3ks. Draai.
Ry 5 - Maak ‘n lb in elke steek van die
vorige ry. Maak 4 ks, draai.
Ry 6 - Maak ‘n dubbelslag langbeen in
elke steek van die vorige ry. Maak 1 ks, draai.
Herhaal vanaf ry 1 – 6 totdat die strook ongeveer 35 cm lank is.
Steek getal bly deurentyd 150.
Vou die strook in die breedte in die helfte.
Werk so ongeveer 1 cm aan die onder weerskante toe om mousgate te vorm.
Werk 6 rye kb reg rondom die strook,
sonder om te draai. Heg af.
Werk ‘n randjie van u keuse om die kante wat
oop is (dit vorm die mousgate). Ek dink ‘n rand met of 4 rye kb sal mooi lyk.
My randjie was as volg:
Ry 1: 1 ry kb in elke steek.
Ry 2: Werk ‘n rand rondom deur *1 kb, 1 lb, 1 dblb, 1 lb
en 1 kb* te maak. Herhaal ** rondom.
Baie dankie aan die Verveelde Huisvrou vir die
kort videos om die basiese steke baas te raak.
https://verveeldehuisvrou.com/
Lekker hekel!
KOPIEREG © 2121 ADEVOS
Alle materiële kopiereg is die van A de Vos (Haakenhekel.blogspot.com), tensy anders vermeld. Moet asseblief nie enige van my patrone herdruk, publiseer of plaas
as jou eie nie. Moet asseblief nie my foto’s gebruik as jou eie nie. Jy mag wel
jou finale produk verkoop, maar nie my patrone nie. Alle patrone word
geskep om so akkuraat as moontlik te wees, maar is deur my geskryf en net deur my getoets so 'n fout kon moontlik insluip.
Opmerkings
Plaas 'n opmerking