Olifant troosbersie


OLIFANT TROOSBERSIE
Hier volg my patroon:
Kombersie: 
My grootte = 45cm x 45 cm. Jy kan hom so groot maak as wat jy wil. Die norm is egter ongeveer 36cm x 43cm vir 'n troosbersie)

Hierdie kombersie is basies net 'n groot heksagoon  blokkie. (Google: Hexagon granny square). Die gevolg is dat die kombersie effens plooi.

Benodig:
Ek het dubbelbrei (Lollipop dubble knit) wol in 3 kleure gebruik.
Naaldgrootte: 5mm
'n Merker om die rye te kan tel (ek gebruik sommer 'n paperclip).

Jy kan enige wol gebruik en enige naaldgrootte gebruik. Naaldgrootte sal 'n effek op die grootte van die kombersie hê.
Ek het na elke 2e ry van kleur verander. Jy kan self besluit of jy kleur wil verander en na hoeveel rye.

Afkortings:
Ks      =       kettingsteek
kb     =       kortbeen
lb      =       langbeen
Hlb      =          halwe langbeen
gs      =        glipsteek
R        =        rondte/ry

Instruksies:
Met kleur A  maak 7 ks. Heg met gs aan die 1e ks om ring te vorm.
R 1: in die ring, ks3, 2lb, ks2, *3 lb, 2ks,* herhaal van * tot * nog 5  keer. Heg met gs aan die boonste ketting van die begin 3ks.
R 2: gs in die volgende 2 lb. In die volgende 2ks spasie: 3ks, 2lb, 2ks, 3lb. 
(hier is waar jy elke keer na die volgende rondte oorgaan en so ook vermeerder.). Hekel  nou *3lb, 2ks, 3lb* in elke oop spasie tussen die trossies van die vorige rondte.
R3 en elke ry daarna: Heg met gs aan die boonste ketting van die begin 3ks. gs in die volgende 2 lb. In die volgende 2ks spasie: 3ks, 2lb, 2ks, 3lb, *3lb, 2ks, 3lb* in elke oop spasie tussen die trossies van die vorige rondte.
Hierdie vorm die basiese patroon. Soos wat jy hekel sal die trossies vermeerder en die kombersie groter word.

Besluit hoe groot jy die kombersie wil maak en heg af deur die wol af te sny en deur die laaste lus te trek.

As jy sukkel Google gerus: Free crochet pattern: Hexagon Granny square.
Jy behoort patrone te kus en te keur te kry.

Randjie:
Die randjie is met die hoofkleur gemaak.
Heg aan met gs. Kb in elke trossie tussen elke lb.
In die spasie tussen elke trossie: 1kb, 1lb, 1kb.
Herhaal totdat randjie reg rondom is.
Heg af. Werk alle los drade weg.

Die Olifantjie:

Benodig:
Basiese kleur vir olifant (grys).
Kontrasterende kleur vir ore, indien verkies.
Swart en wit wol of gare om ogies te maak. 
Stopmateriaal om die olifant te stop (batting).
Hekelnaald (Ek het met 'n groter naald gehekel om 'n effe groter olifantjie te maak).

Nota:
Die hele olifantjie word met kortbeentjies (kb) gehekel. 
Om verwarring met die aanhoudende herhaling van kb te vermy praat ek van steke. Wanneer ek dus van steke praat bedoel ek kortbene (kb). 

Belangrik!!
!! Onthou dat babas alles in hulle mond druk. Die gehekelde olifant ook!
Vermy dus stopmateriaal wat kan uitrafel deur die hekelgate of draai stopmateriaal in dun materiaal (soos sykous of voile toe) en stop dan die olifant daarmee.

Hekel die ogies stewig vas en vermy gekoopte ogies of knopies wat kan loskom of afbreek en in baba se keel kan beland!

Instruksies:
Plaas die merker aan die begin van elke ry en skuif merker op soos wat die ry voltooi word.

Afkortings:
kb2tes = hekel 2 kb tesame

Hoe om Kb2tes te doen:
Steek naald in die kortbeen. Wol oor naald en trek 'n lus. Herhaal in volgende kortbeen. Wol oor naald en trek dan naald deur al 3 die lusse op die naald.

Die olifant se kop:

Instruksies:
Begin deur 2ks te maak.
R1: Werk 6 kb in die 2e ks van die naald, moenie heg nie (6kb)
R2: Werk 2 kb in elke steek in die rondte (12kb)
R3: (Kb in 1e steek, 2kb in volgende steek) x  6 keer (18kb)
R4: (Kb in volgende 2 steke, 2kb in volgende steek) x 6 keer (24kb)
R5: (Kb in volgende 3 steke, 2kb in volgende steek) x 6 keer (30kb)
R6: Werk kb in elke steek reg rondom (30kb)
R7: (Kb in volgende 4 steke, 2kb in volgende steek) x 6 keer (36kb)
R8 - 14: Kb in elke steek reg rondom
R15: (Kb in volgende 4kb, kb2tes) x 6 keer (30kb)
R16: (Kb in volgende 3kb, kb2tes) x 6 keer (24kb)
Ry 17: werk in die agterste lus van die steke: *kb in volgende 2 steke, kb2tes, herhaal van * rondom (18 kb)
Ry18: (Kb in volgende steek, kb2tes) x 6 keer (12 kb)
Stop kop effe op.
R19: (Kb2tes) x 6 keer. heg met gs in die 1e steek. (6kb)
Heg af. Laat genoeg wol om mee toe te werk. Weef die wol deur die laaste rondte en trek steke toe. Moenie die wol afknip nie.

Olifant se Trompet:
Nota:  Stop die trompet liggies vanaf ry 6 soos jy vorder.

Instruksies:
Begin by die punt van die trompet. Ks2.
R1: Werk 6kb in die 2eks van die naald. Moenie heg nie. (6kb)
R2: Werk in die agterste lus van die steke, kb reg rondom.
R3-6: Kb in elke steek reg rondom.
R7: Werk 2kb in die volgende steek, kb in die volgende 5 steke (7kb).
R8-9: Kb in elke steek reg rondom.
R10:Werk 2kb in volgende steek, kb in volgende 6 steke (8kb)
R11: Werk 2kb in volgende steek, kb in volgende 7 steke (9kb)
R12: Werk 2kb in volgende steek, kb in volgende 8 steke (10kb)
R13: Werk 2kb in volgende steek, kb in volgende 9 steke (11kb)
R14:Kb in volgende steek, 2kb in volgende 4 steke, (kb2tes) x 3 keer (12kb)
R15: Kb in volgende 2 steke, 2 kb in volgende steek, kb in volgende steek, 2kb in volgende steek, kb in volgende 7 steke. Heg met gs in 1e steek. (14kb)
Heg af. Laat wolstert vir toewerk.
Stop liggies op.


Ore: 
Nota:  Maak 2 elk van 2 kleure = 4. (ek het 2 van die ore met ‘n effe groter naald en ‘n ander kleur gemaak sodat die agterste oorflap effe groter vertoon.

Instruksies:
Maak 6 ks.
R1: Kb in 2e ks van die naald af en in elke ks. (5kb)
R2: Ks1, 2kb in elke steek, draai (10kb)
R3: Ks1, kb in elke steek. Draai.
R4: Ks1, kb in eerste 4 steke, 2 kb in volgende 2 steke, kb in laaste 4 steke. Draai. (12kb)
R5: Ks1, kb in elke steek. Draai.
R6: Ks1, kb in eerste steek, kb2tes, kb in volgende 6 steke, kb2tes, kb in laaste steek (10kb).
Heg af.

Afronding:
Werk die trompet aan die olifantkop deur oorhands die laaste rondte steke vas te werk.
Vou die trompet liggies soos jy wil hê hy moet staan.

Meet min of meer waar jy die ore en die oë wil hê. Rug die aparte ore aanmekaar en werk elke oor aan deur die naald deur beide ore te steek en dan deur die kop.


Ogies: (maak 2)
Nota:  Met swart wol en 3,5mm naald:

Instruksies:
Maak 2ks.
R1: Werk 6kb in 2e ks vanaf naald.
R2: Ks 2, kb 1 in 1e steek. Werk nou 2 kb in elke steek rondom. Heg met gs in 1e kb.
R3: Ks 2, kb 1 in 1e steek. Werk 2kb in volgende 4 steke (8kb). Heg af.
Die oë sal dus so effe ovaal vertoon.
Voltooi die ogie met wit wol. (ek het sommer so 4 stekies oorhands met my stopnaald gewerk).
Werk ogies vas.

Indien jy ronder oë verkies, voltooi rondte 3 deur 2kb in elke steek te maak. 
Indien jy groter oë verkies kan jy nog 'n rondte kb hekel, voor die laaste ry.


kleuterkombers, troosbersie en 'n olifant om mee te speel


Was die troosbersie met die hand. Plaas plat neer en laat droog word.

Opmerkings

Plaas 'n opmerking

Gewilde plasings van hierdie blog

Die maklikste vingerlose gebreide handskoene ooit!

Prent
Gebreide patroon - gratis Handskoen met duim Vingerlose handskoen Handskoen met Duim Stel 41 steke op met 4mm naalde (indien jy 'n effe krulrandjie wil hë, brei die 1e ry net regs). Ry 1-12: werk in rib steek (1x regs / 1 x aweregs)   (indien jy 'n effe krulrandjie wil hë, brei die 1e ry net regs). Ry 13 en alternatiewe rye: aweregs Ry 14 en ewe rye: regs        Ry 16:     Regs 19 steke, *vermeerder 1 in volgende steek, regs 1, vermeerder 1 in volgende steek* regs 19 steke (43 steke) Ry 20:    Regs 20 steke, *vermeerder 1 in volgende steek, regs 1, vermeerder 1 in volgende steek* regs 20 steke (45 steke) Ry 24:    Regs 21 steke, *vermeerder 1 in volgende steek, regs 1, vermeerder 1 in volgende steek* regs 21 steke (47 steke) Ry 28:     Regs 22 steke, *vermeerder 1 in volgende steek, regs 1, vermeerder 1 in volgende steek* regs 22 steke (49 steke) Ry 32:     Regs 23 steke, *vermeerder 1 in volgende steek, regs 1, vermeerder 1 in volgende steek* r
Lees meer

Die basiese Ouma-blokkie / kombers

Prent
Die basiese Ouma patroon is en bly maar altyd 'n wenner vir enige kombers. Dit is ook ideaal vir knie-komberse en oorskietwol en ideaal vir beginners. Hierdie is ook die basiese patroon wat ek vir troosbersies gebruik het.  (Ek sal in opvolgende skrywe verduidelik hoe ek die brakkies en olifante gemaak het.) Hierdie is my 1e poging om my patrone neer te skryf. Dit is harde werk maar dit is net die begin! Ewenwel, as jy die patroon probeer en jy kry 'n fout of hak vas, kontak my asseblief dat ek kan help of regstel. DIE BASIESE OUMA-KOMBERS: ‘n Ouma-blokkie of kombers (wat eintlik net een GROOT ouma-blokkie is, word in die rondte gewerk. Die blok vorm 4 hoeke en elke ry word herhaal totdat die kombers of blok die grootte is wat jy wil hê.  Dit is ‘n lekker kombers om te werk as jy nie baie wol van een kleur het nie. Interessante effekte kan geskep word deur met verskillende kleure wol te speel en dit te wissel.  Dit is ook ‘n lekker om sommer met verskillende ra
Lees meer

Gebreide sokkie patroon

Prent
Patroon vir gebreide sokkies Oorspronklike patroon deur ©Katarina Mushyn Ek neem glad nie krediet vir hierdie patroon nie, en het slegs op versoek die patroon vertaal. Ek het dus ook nie die patroon getoets nie, so doen dit gerus en laat weet asseblief as daar foute is of dit nie uitwerk nie. Grootte 37 – 38 (5-6, medium voet) maklik om grootte te verander, sien video https://youtu.be/y20O8TO7zGw Benodig : Alize Lana Gold jaarn 100g – kleur A (geel) en kleur B (groen), 3.5 mm breinaalde Afkortings : rs = randsteek  = brei elke 1e steek van die ry aweregs om mooi af te rond ggb = glip glip brei  = glip 2 steke na naald sonder om te brei. Brei nou hierdie twee steke tesame deur naald deur die voorkant van die twee steke te steek. Dit verminder 1 steek. r2tes = brei regs 2 tesame do = draad oor naald adl = agter deur lus Metode : Begin deur 44 steke op naald te sit met kleur A. *Brei 2 rye in rifsteek (r1,aw1) met kleur A. Brei 4 rye
Lees meer