Ronde spiraal lollipop babakombersie

Gratis patroon.

Hierdie kombersie word in die rondte gehekel en gaan nogal vinnig. Jy kan dit so groot of sy klein maak as wat jy wil.

Dit is 'n heerlike projek om met dikker wol en naalde te hekel vir baba as 'n mat, dan kan baba sommer met die pom-poms speel.

Maklik/Beginner

 Benodighede:

Nako Baby Lollipop jaarn (of enige dubbelbrei babawol van jou keuse) 3 x 100g bolle van 1 kleur 

(Of 4 as jy die kombersie groter wil  maak.)

Lollipop is 'n veelkleuringe wol en kleure word nie geheg nie.

5mm hekelnaald (of kleiner as jy baie los hekel.)

Ek neem nie spanning nie omdat hierdie kombersie enige grootte kan wees.

Afkortings:

Ks =        kettingsteek

Gs =       glipsteek

Kb =       kortbeen

Lb =        langbeen

Instruksies:

Hekel die kombersie in die rondte. Moenie die rondtes heg nie.

Maak 5 ks. Heg met gs in die eerste ks om ring te vorm.

Ry 1:      Maak 12 lb in die ring. Heg met gs.

Ry 2:      Maak 2 lb tussen elke lb van die vorige ry met ‘n ks tussen elke groepie van 2 lb (2lb, 1ks, 2lb, 1ks)

Ry 3:      Maak 2 lb in die ks spasie en 1ks en dan1 lb tussen die 2 lb van die vorige ry en 1 ks, herhaal (2lb, 1lb, 1ks, herhaal)

Ry 4:      Maak 2 lb in die ks spasie en dan ‘n ks. Skip 1 lb en maak ‘n lb in elke lb (2) van die vorige ry. Herhaal.

(hieronde kan jy sien hoe die spiraal reeds begin vorm.

Ry 5:      Maak 2 lb in die ks spasie en dan ‘n ks. Skip 1 lb steek en maak dan ‘n lb in elke lb (3) van die vorige ry tot by die volgende ks spasie. Herhaal.

Ry 6:      Maak 2 lb in die ks spasie en dan ‘n ks. Skip 1 lb steek en maak dan ‘n lb in elke lb (4) van die vorige ry tot by die volgende ks spasie. Herhaal.

 

Hierdie vorm die patroon. Elke ry se patroon sal 1 meer lb wees as die vorige ry.

Herhaal tot die grootte van die kombersie soos verlang,

 Rond die kombersie af deur 2rye kb in effe kleur (wit) om die rand te maak. (‘n kb in elke steek).

 Maak pom-poms en heg om die rand waar elke spiraal se spasie is.

 Ek het 'n loom gebruik om my pom-poms te maak maar kyk gerus na die link van hoe om pom-poms te maak:

\https://af.actince.com/hoe-om-pom-poms-te-maak/


Gaan loer gerus na my lollipop riffeltroosbersie!




 

© Nov 2020 Ansie de Vos.


Kontak my gerus indien u 'n fout vind of 'n navraag het. Lekker hekel!

 

Opmerkings

Plaas 'n opmerking

Gewilde plasings van hierdie blog

Die maklikste vingerlose gebreide handskoene ooit!

Prent
Gebreide patroon - gratis Handskoen met duim Vingerlose handskoen Handskoen met Duim Stel 41 steke op met 4mm naalde (indien jy 'n effe krulrandjie wil hë, brei die 1e ry net regs). Ry 1-12: werk in rib steek (1x regs / 1 x aweregs)   (indien jy 'n effe krulrandjie wil hë, brei die 1e ry net regs). Ry 13 en alternatiewe rye: aweregs Ry 14 en ewe rye: regs        Ry 16:     Regs 19 steke, *vermeerder 1 in volgende steek, regs 1, vermeerder 1 in volgende steek* regs 19 steke (43 steke) Ry 20:    Regs 20 steke, *vermeerder 1 in volgende steek, regs 1, vermeerder 1 in volgende steek* regs 20 steke (45 steke) Ry 24:    Regs 21 steke, *vermeerder 1 in volgende steek, regs 1, vermeerder 1 in volgende steek* regs 21 steke (47 steke) Ry 28:     Regs 22 steke, *vermeerder 1 in volgende steek, regs 1, vermeerder 1 in volgende steek* regs 22 steke (49 steke) Ry 32:     Regs 23 steke, *vermeerder 1 in volgende steek, regs 1, vermeerder 1 in volgende steek* r
Lees meer

Die basiese Ouma-blokkie / kombers

Prent
Die basiese Ouma patroon is en bly maar altyd 'n wenner vir enige kombers. Dit is ook ideaal vir knie-komberse en oorskietwol en ideaal vir beginners. Hierdie is ook die basiese patroon wat ek vir troosbersies gebruik het.  (Ek sal in opvolgende skrywe verduidelik hoe ek die brakkies en olifante gemaak het.) Hierdie is my 1e poging om my patrone neer te skryf. Dit is harde werk maar dit is net die begin! Ewenwel, as jy die patroon probeer en jy kry 'n fout of hak vas, kontak my asseblief dat ek kan help of regstel. DIE BASIESE OUMA-KOMBERS: ‘n Ouma-blokkie of kombers (wat eintlik net een GROOT ouma-blokkie is, word in die rondte gewerk. Die blok vorm 4 hoeke en elke ry word herhaal totdat die kombers of blok die grootte is wat jy wil hê.  Dit is ‘n lekker kombers om te werk as jy nie baie wol van een kleur het nie. Interessante effekte kan geskep word deur met verskillende kleure wol te speel en dit te wissel.  Dit is ook ‘n lekker om sommer met verskillende ra
Lees meer

Gebreide sokkie patroon

Prent
Patroon vir gebreide sokkies Oorspronklike patroon deur ©Katarina Mushyn Ek neem glad nie krediet vir hierdie patroon nie, en het slegs op versoek die patroon vertaal. Ek het dus ook nie die patroon getoets nie, so doen dit gerus en laat weet asseblief as daar foute is of dit nie uitwerk nie. Grootte 37 – 38 (5-6, medium voet) maklik om grootte te verander, sien video https://youtu.be/y20O8TO7zGw Benodig : Alize Lana Gold jaarn 100g – kleur A (geel) en kleur B (groen), 3.5 mm breinaalde Afkortings : rs = randsteek  = brei elke 1e steek van die ry aweregs om mooi af te rond ggb = glip glip brei  = glip 2 steke na naald sonder om te brei. Brei nou hierdie twee steke tesame deur naald deur die voorkant van die twee steke te steek. Dit verminder 1 steek. r2tes = brei regs 2 tesame do = draad oor naald adl = agter deur lus Metode : Begin deur 44 steke op naald te sit met kleur A. *Brei 2 rye in rifsteek (r1,aw1) met kleur A. Brei 4 rye
Lees meer