Oortrek rokkie met engelvlerkie-moutjies
Ouderdom 3-5 jr
Vlak: Intermediër
Benodigdhede:
± 200 g dubbeldraad wol (ek het Charity Pulskein se Fuchia gebruik met afvalwol om die erge pienk te breek).
5 mm hekelnaald
Skêr en wolnaald om enige drade weg te werk.
Wenk:
Wanneer jy jou begin ketting maak en jy wil nie hê
dat jou ketting moet draai nie, maak so ongeveer 10 kettingsteke en haak dan
die punt van die ketting aan die agterkant van jou hekelpen. So vorm dit dan ‘n
“loop” wat nie gedraai is nie.
Ks - kettingsteek
Gs - glipsteek
Kb - kortbeen
Lb - langbeen
Skulpie - 2lb
in dieselfde steek, 2 ks, 2 lb in dieselfde steek
Maak 76 kettingsteke.
Ry 1: Maak ‘n
kb in die 2e ks van die naald en in elke steek tot aan die einde van die
ketting. (75 st)
Ry 2: Maak 2 ks, draai. Maak ‘n kb
in elke kb van die vorige ry.
Ry 3: Maak 2 ks, draai. Maak ‘n
lb in die 1e steek en in die volgende 2 steke. Maak 2 lb in die volgende steek.
*Maak dan lb in die volgende 3 steke en weer 2 lb in die volgende st*. Herhaal
** tot aan die einde (93 st).
Ry 4: Maak 2 ks, draai. Maak ‘n
lb in die 1e st en die volgende 3 st en 2 lb in die volgende st. *Maak ‘n lb in
die volgende 4 st en 2 lb in die volgende st.* Herhaal ** tot aan die einde. Eindig
me ‘n lb in die bokant van die 2 ks van die vorige ry (112 st).
Ry 5: Maak 2 ks, draai. Maak ‘n
lb in die 1e st en die volgende 4 st en 2 lb in die volgende st. *Maak ‘n lb in
die volgende 5 st en 2 lb in die volgende st.* Herhaal ** tot aan die einde. Eindig
me ‘n lb in die bokant van die 2 ks van die vorige ry (131 st).
Ry 6: Hierdie ry vorm die
moutjies se randjie:
Maak 2 ks, draai. Maak ‘n lb in dieselfde st en die volgende 5 st en 2 lb in die volgende st. Maak ‘n lb in die volgende 6 st en 2 lb in die volgende st. Maak ‘n lb in die volgende st. *Skip 1 st. maak ‘n skulpie (2lb, 2ks, 2lb) in die volgende st*. Herhaal ** nog 17 keer. Skip volgende st. Maak lb in die volgende 5 st en 2 lb in die volgende st. (Maak 6 lb en dan 2 lb in die volgende st) 3 keer. *Skip 1 st. maak ‘n skulpie (2lb, 2ks, 2lb) in die volgende st*. Herhaal ** nog 17 keer. (maak 6 lb en dan 2 lb in die volgende st) 2 keer. Eindig me ‘n lb in die bokant van die 2 ks van die vorige (36 skulpies en 66 lb).
Ry 7: Hierdie ry vorm die mousgat:
Maak 2 ks, draai. Maak ‘n lb in dieselfde st en die volgende 17 st. maak
7 ks. Skip die 18 skulpies. Maak lb in die volgende 31 st. Maak weer 7 ks. Skip
die 18 skulpies. Maak ‘n lb in die volgende 17 st. Eindig me ‘n lb in die
bokant van die 2 ks van die vorige ry (67 lb en 2 x 7 ks spasies).
Ry 8: Maak 2 ks, draai. Maak ‘n
lb in dieselfde st en in die volgende steke. Maak lb in elke ks van die vorige
ry. Herhaal deur lb in elke st en in elke ks te maak tot aan die einde van die
ry (81 lb).
Ry 9. Maak 2 ks, draai. Maak ‘n lb in dieselfde st. Begin nou skulpie ry
van rokkie deur skulpie *(2lb, 2ks, 2lb) in die volgende st te maak en dan 1 st
te skip*. Herhaal ** tot aan die einde van die ry. Eindig die ry met 1 lb in
die bokant van die 2 ks van die vorige ry.
Ry 10: Herhaal ry 9 met die skulpie patroon maar moenie draai nie. Werk
nou die rompie van die rokkie aanmekaar. In die begin van ‘n nuwe ry, sorg dat
jy gs tot by die skulpie en maak 2 ks om die 1e lb van die skulpie te vorm.
Voltooi dan die skulpie ry soos bo.
Herhaal ry 10 tot die verlangde lengte van die rokkie verkry is.
Nota:
Jy kan enige tyd van kleur verander, soos jy wil. Of gebruik net 1 kleur.
Maak die rokkie korter vir ‘n toppie of so lank as jy wil.
Poplap se rokkie is 15 rye van onder die armpies af, dan 6 rye van kontrasterende kleur, dan weer 5 rye pienk. So 26 rye in totaal van onder die armpies af om tot net onder die knieg te hang.
Afronding:
o Werk die kante van die moutjies en die
onderkant van die rokkie om met ‘n ry kb in ‘n kontrasterende kleur.
o Maak ‘n blom van jou keuse en werk voor
op die rokkie vas.
o Werk 2 of 3 knopies aan die bostuk van
die rokkie om vas te maak. Geen knoopsgate is nodig want die knopies heg deur die steke vas.
Lekker hekel! ♥
Alle patrone word geskep om so akkuraat as moontlik te wees, maar is deur my geskryf en net deur my getoets so 'n fout kon moontlik insluip.
KOPIEREG © 2121 ADEVOS
Alle materiële kopiereg is die van A de Vos (Haakenhekel.blogspot.com), tensy anders vermeld. Moet asseblief nie enige van my patrone herdruk, publiseer of plaas as jou eie nie. Moet asseblief nie my foto’s gebruik as jou eie nie. Jy mag wel jou finale produk verkoop, maar nie my patrone nie.
Opmerkings
Plaas 'n opmerking